Ժիրայր Սէ‎ֆիլյանի և Վարդան Մալխասյանի զորակցության կոմիտեն ստեղծվել է նրանց ձերբակալությանը հաջորդող օրերին՝ 2006թ դեկտեմբերին: Նրանում գործուն մասնակցություն ունեն "Ազատագրված տարածքների պաշտպանության", "Հայ կամավորականների համախմբման", "Արաքս-Կուր" հիմնադրամի, "Մտավորականների ‎ֆ‎որումի", երիտասարդական և մի շարք այլ կազմակերպությունների ու նախաձեռնությունների անդամներ, համախոհներ, մարտական ընկերներ և քաղաքական պայքարի զինակիցներ:

Զորակցության կոմիտեն կազմակերպել է մի շարք բողոքի գործողություններ, երթեր, ստորագրահավաք, քարոզչական աշխատանք ԶԼՄ-ների հետ և այլն: Բազմաթիվ անհատներ, մտավորականներ, քաղաքական գործիչներ սեփական նախաձեռնությամբ իրենց օժանդակությունն են բերել այս աշխատանքներին: Դրանց թվում եղել են այնպիսինները, որոնք ոչ ամբողջությամբ կիսելով Ժիրայր Սէ‎ֆիլյանի և նրա զինակից Վարդան Մալխասյանի գաղափարները, իրենց պարտքն են համարել սատարել նրանց որպես քաղբանտարկյալների, իսկ ավելի հաճախ գնահատելով անցած փառավոր մարտական ուղին:

Կայքէջում նաև կարող եք կարդալ "Ազատագրում" պարբերականի առաջին 4 համարները, որոնք տպագրվել են 2005-06թթ. ընթցաքում: "Ազատագրումը" մեր գաղափարական մոտեցումները ներկայացնող ազգային-քաղաքական պարբերական է և նրանում տպագրված հոդվածների մեծ մասը ծրագրային բնույթ ունեն և ժամանակավրեպ չեն: "Ազատագրումը" հրատարակումը ժամանակավորապես դադարել է Ժիրայր Սէ‎ֆիլյանի և "Հայ կամավորականների համախմբման" քաղաքական հետապնդումների պատճառով: 

Ի դեպ, մեր կայքէջը կրում է "Ազատագրում" անունը հենց այն պատճառով, որ շարունակելու է համանուն պարբերականի գաղափարական ուղղությունը, և ոչ թե այն պատճառով, որ ներկայումս ստիպված է զբաղվել նաև Ժիրայր Սէֆ‎իլյանի և իր ընկերների բանտարկությունից ազատելու խնդրով:

Իսկ թե մենք ինչ նկատի ունենք "ազատագրում" ասելով, ավելի հանգամանորեն կարող եք իմանալ կարդալով "Ազատագրում"  պարբերականի անդրանիկ համարի խմբագրականը: